རང་དགའ་བའི་བུ་མོའི་བསྟོད་རྩོམ།

གཟུགས་བལ་ལས་འཇམ་པའི་ཁྱོད་ཀྱི་གཟུགས།།

གདོང་ལེགས་པ་པད་མའི་གཉེན་དང་མཚུངས།།

ངེ་དགའ་བའི་སེམས་འདི་ཁྱོད་ཀྱིས་རྐུ།།

རླུང་བསིལ་བའི་བརྩེ་ལྡན་མཛེས་མ་ཡིས།།

ངེ་ཁོག་པའི་ཧིང་གི་གཏམ་ཚིག་གསུམ།།

ད་དུག་ལུ་འགྱུར་ཏེ་མ་རུལཝ་ལས།།

བུམོ་ཁྱོད་ཀྱི་འཇམ་པའི་ཕངས་མ་ལུ།།

ཧེང་སྡོད་ནིའི་གོ་སྐབས་གནང་ཐབས་མཛད།།

ལོ་བརྒྱ་དང་སྟོང་སྦེ་སྡོད་རུང་ཡང་།།

ང་ཁྱོད་དང་སྡོད་པའི་འདོདཔ་མི་ཚིམས།།

བུམོ་ཁྱོད་ཀྱི་སེམས་ཀྱི་འབའ་གུ་ལུ།།

ང་ཀ་རེ་ཕོག་པའི་རེ་བ་ཡོད།།

ཁྱོད་ལེགས་པའི་ལོ་རྒྱུས་བཤད་དགོ་ན།།

ངེ་མི་ཚེ་གཅིག་ནང་སླབ་མི་ཚར།།

རོགས་གཞན་དང་གཞན་གྱིས་གན་སླབ་རུང་།།

ནོརབུ་ལགཔ་ལས་ཤོར་དེ་འགྱོ་མི་བཅུག།

ཁྱོད་བྱང་པའི་ན་ཟུག་རི་བཟུམ་འབག།

སེམས་བརྩེ་བའི་དག་སྣང་ཆུ་ལྟར་འཁྱིལ།།

ངེ་དྲོ་བའི་དོན་ཧིང་ནང་ན་ལུ།།

བུམོ་ཁྱོད་ཀྱིས་བསིལ་བའི་ཆུ་མ་བླུགས།།